泰味泰國餐廳

營業中

休息中

好耐無返嚟荃景圍啦，發現呢到荃灣中心間泰國菜搬咗過嚟呢到，呢間味道我記得一直都唔錯，份量係細啲，但價錢我記得係好平。搬咗店舖，睇得出佢地比左啲錢裝修，個餐牌都好靚，個心有啲期待，我記得佢地嘅粉麵係好食，但今日想食豬頸肉，於是點咗豬頸肉飯，一上枱，咦……居然個煮法同豬手一樣，係煮出嚟再加茨汁。我仲以為係燒頸頸肉，會配上酸辣汁嗰種，一上枱見到碟野，個期望落差搞到我有啲失望。食落，唔，係豬手嘅調味，唔係難食，係合格嘅，只係期望落差。朋友點的泰式鴨絲生牛肉扣鈕金邊粉，所謂的扣鈕即係泰式酸辣湯，朋友話非常好食，真係好羨慕，今次點錯餐，下次如果有機會過嚟荃景圍呢邊，我一定要試吓呢個扣鈕湯呀！泰式奶茶係正常味道，不過個杯就細啲。