圓圓小姐 (西九龍中心)

營業中

休息中

以前欽州街有間叫「圓圓」的台飲店，好好生意，唔知點解突然結業，真心可惜。但近日發現「圓圓」小姐回歸深水埗，當然去回味下。現於西九龍中心八樓美食廣場的圓圓小姐，同昔日的「圓圓」分別不大，舖位雖小，五臟俱全。我叫左「圓圓珍珠炭焙烏龍鮮奶茶」試下有無以前咁正，另外叫左杯「鮮奶三重奏」。圓圓珍珠炭焙烏龍鮮奶茶最回味係「圓圓」的黃金珍珠混黑糖珍珠，煙韌的咬口，珍珠的味道唔會太甜，加上鮮奶同烏龍的比例恰好，烏龍茶保持住茶香，讚。鮮奶三重奏（走甜）何為三重奏：鮮奶加上黑糖珍珠，芋薯圓及嫩仙草。呢杯野令我真心驚喜。本來我都唔係太喜歡鮮奶，但配上三重奏，啜落有滑滑的嫩仙草，芋薯圓軟淋，同黑糖珍珠的煙韌，三重口感又真心係我杯茶，重重點推介。