皇室冰廳 (已結業)

今日收工之後屋企人話唔煮飯，所以我自己就出咗去搵一間餐廳食飯！自己食飯本身都係好簡簡單單，於是就去咗呢一間係屋企附近嘅皇室冰廳✌🏻點知有好大嘅意外驚喜！我自己就叫咗一個我好鍾意食嘅菜式，就係菠蘿咕嚕肉啦🤩鍾意呢一個菜式係因為酸酸甜甜，非常開胃，而且除咗咕嚕肉之外，其他嘅配料亦都好好食！呢一度嘅咕嚕肉亦都做得好出色，炸得啱啱好，食到外皮脆卜卜，但係依然入面可以保持軟林林嘅肉質！豬肉嘅味道亦都好好👍🏻再加埋呢一個咕嚕肉嘅醬汁，真係好好味🤤整體來講，呢間餐廳雖然地方唔算好大，不過絕對食得出係有香港風味嘅特色，非常推介！