Miss Pisces Creations

營業中

休息中

今日喺尖沙咀漢口道見到呢間好精緻嘅甜品店 - Miss Pisces Creations，裏面有曲奇鬆餅罐子蛋糕等等出售，適合買禮送人或者做下午茶小點心。咁啱呢排轉工，想買份小禮物畀上司，揀左一盒Hazelnut Butter Cookie，裏面有三隻味各六塊 - 伯爵茶榛子，海鹽黑朱古力榛子，原味榛子。另外買咗一盒畀屋企人，佢哋見到包裝精美都即刻拆咗嚟食。伯爵茶榛子，啱曬鍾意茶香嘅朋友，茶味重，餅乾酥脆。海鹽黑朱古力榛子，咸咸嘅海鹽同黑朱古力嘅苦味混埋一齊，味道幾特別。原味榛子，就係最純粹嘅選擇，榛子香味最出，簡單又經典。另外試咗兩款Scone。開心果流心麻薯牛油鬆餅，流心嘅口感加上麻薯，好有層次感，食完真係想再嚟一個，難怪呢個係店員推介話最受歡迎！Oreo棉花糖厚曲奇，就更加係甜品迷嘅最愛，厚厚嘅曲奇中間夾住棉花糖，咬落去超級甜蜜。最後仲叫埋一個罐子蛋糕夜晚做飯後甜品。夏日椰香芒果班蘭輕奶油罐子蛋糕，椰香清新，芒果肉夠甜，輕盈嘅奶油令蛋糕更加滑，佢用罐子做包裝，食完考慮用佢嚟做散水餅。