更多
2022-07-19
993 瀏覽
一班朋友聚餐,環境唔算好大,但氣氛唔錯。平時食西餐大多數都係叫番自己set,但脆好多野都幾吸引,所以就share食,希望可以試多少少款.大蝦煙三文魚沙律 - 蝦好爽脆,菜都好新鮮,唔錯!.八爪魚沙律 - 八爪魚少咗啲,而且都比較細隻,但味道係ok嘅!.BBQ雞翼 - 冇得輸,醬夠濃又惹味,開胃之選!.忌廉&蕃茄青口配蒜蓉包 - 兩款都好好味,而且份量都幾多,蒜蓉包香脆.牛肉&雞漢堡 - 如果皮香脆啲會更好,牛肉都juicy,有牛味。蕃薯條比較好食,普通薯條太粉,同埋唔夠脆。.Ribs - 味道唔錯,都多肉,而且大條!.紅酒牛肋條 - 有驚喜,好稔身,夠味,不過配飯可能會比較match。
張貼