2派克雞排

營業中

休息中

今日返咗成日工實在太攰喇，快速決定用comfort food獎勵自己，就係就係一堆香口脆皮炸物喇😆淨係諗下佢哋金黃色嘅眾生相已經覺得充滿活力，試問有邊個會拒絕得到咁香口嘅炸物呢😋嚟到位於紅磡，主打脆皮炸物嘅『2派克雞排』已經見到一堆學生哥同唔少街坊喺度等緊外賣，睇嚟都幾受當地居民歡迎💡我叫咗脆皮百頁豆腐、脆皮杏鮑菇同脆皮無骨雞塊，每款炸物分別可以選擇唔同嘅調味粉，例如原味、海苔、辣味、梅子、芥末同麻辣，店員亦窩心提示炸物係即叫即炸，所以要預少少時間等待👀脆皮百頁豆腐豆腐可以話係非常老少咸宜嘅食物，無論大人小朋友定老人家都鐘意食，而脆皮百頁豆腐係我首次嘗試，啱啱炸起嘅百頁豆腐好似河豚咁有少少漲卜卜，肥嘟嘟咁好可愛。不過百頁豆腐消腫都消得好快，所以趁熱食係最正嘅✨豆腐經過一層脆皮嘅加持，外表好酥脆，內裡依舊係好嫩滑嘅質地，雖是炸物但食落去水水嫩嫩，口感好神奇～朋友都搶住要食呢個，最後我都食唔到幾嚿😂脆皮杏鮑菇感想係：一啖一粒好食到轉圈圈🤩杏鮑菇表面嘅脆皮薄薄哋，一層均勻哋包裹成粒菇，可以食到杏鮑菇厚實嘅口感，彈性飽滿中帶少少汁水唔會太乾💦你會見到杏鮑菇嘅每一個角落都裹上調味粉，先是調味粉嘅