影片
更多
2017-02-23
1389 瀏覽
呢間火鍋新開業，同區網友推介之下，一家人又鍾意食海鮮，就嗱嗱聲訂位試吓舖頭細，坐位不多，我地訂7點半，去到已經坐滿，一眼望哂，只係淨番黎留比我地張枱，見到街客好多都摸門釘，我地等齊人先入坐，因為限時2個鐘，說實話地方係有啲窄，但侍應都有禮貌有笑容，耐心回應。坐低就比點菜紙你揀，大菜牌可以比你自費加餸，後面亦有詳細介紹食粥底，放食物既先後次序，梗有埋海鮮既煮食時間。有兩個鍋底藥膳同粥底，一心想試粥底，就梗係揀粥底，蔬菜粒4選3，呢個安排幾細心，蔬菜切粒送粥心較方便食，我地揀左南瓜粟米冬瓜。鍋底上枱，係一鍋粥水，無米既，跟據介紹，係食到尾聲先比兜飯放落去煲，等左大約10分鐘，主角出場，勁大盆海鮮😍😍，鮑魚、海蝦、象拔蚌仔、蟶子、蜆、花蟹、泥蜢，我地一行5人，所以盆海鮮好壯觀，啲蝦仲係好生猛，所以要用個碗裝住，要蓋佢以防走佬，侍應亦溫馨提示，放蝦時要小心，以防佢跳到啲熱湯彈親，開始係先食海鮮鮑魚：鮮甜、彈牙、爽口花蟹：有羔、多肉、新鮮，放入鍋時，蟹腳仲郁海蝦：好鮮甜新鮮，彈牙象拔蚌仔：細細隻，新鮮，爽口蟶子：新鮮，彈牙蜆：肉厚、鮮甜泥鯭：爽口鮮甜全部海鮮都好新鮮，但不能避免，有幾隻蟶子、蜆有
舖頭細，坐位不多，我地訂7點半，去到已經坐滿，一眼望哂，只係淨番黎留比我地張枱，見到街客好多都摸門釘，我地等齊人先入坐，因為限時2個鐘，說實話地方係有啲窄，但侍應都有禮貌有笑容，耐心回應。
坐低就比點菜紙你揀，大菜牌可以比你自費加餸，後面亦有詳細介紹食粥底，放食物既先後次序，梗有埋海鮮既煮食時間。
有兩個鍋底藥膳同粥底，一心想試粥底，就梗係揀粥底，蔬菜粒4選3，呢個安排幾細心，蔬菜切粒送粥心較方便食，我地揀左南瓜粟米冬瓜。
鍋底上枱，係一鍋粥水，無米既，跟據介紹，係食到尾聲先比兜飯放落去煲，等左大約10分鐘，主角出場，勁大盆海鮮😍😍，鮑魚、海蝦、象拔蚌仔、蟶子、蜆、花蟹、泥蜢，我地一行5人，所以盆海鮮好壯觀，啲蝦仲係好生猛，所以要用個碗裝住，要蓋佢以防走佬，侍應亦溫馨提示，放蝦時要小心，以防佢跳到啲熱湯彈親，開始係先食海鮮
鮑魚：鮮甜、彈牙、爽口
花蟹：有羔、多肉、新鮮，放入鍋時，蟹腳仲郁
海蝦：好鮮甜新鮮，彈牙
象拔蚌仔：細細隻，新鮮，爽口
蟶子：新鮮，彈牙
蜆：肉厚、鮮甜
泥鯭：爽口鮮甜
全部海鮮都好新鮮，但不能避免，有幾隻蟶子、蜆有啲沙，但情況唔算太差
食完海鮮就落蔬菜粒，侍應先比左一碟仔(呢個掛住食無影相)，仲講低如果唔夠可以再問佢拎，之後就開始食自選5種配料，我地揀左肥牛、魚皮餃、蟹籽丸、花枝丸(賣哂轉左墨魚丸)同娃娃菜，牛肉好薄，但唔係平價貨，夠肉味亦唔鞋口，魚皮餃皮夠薄，新鮮，丸同菜都唔差，雖然跟餐配料得5款，但食完海鮮，都有5成飽，原本我地都怕唔夠食，但食到呢度都已經個個放慢哂手腳
最後主角出場，食完所有野，就叫侍應拎飯黎煲粥，順便又問佢拎多碟南瓜冬瓜粒，加埋落去煲粥，因為火鍋啲水已經剩底半煲唔夠，煲粥就啱啱好，碗飯係煲得比較濕同軟身既飯，都幾週到，咁樣放落去煲就好快食得，粥都會夠綿，但飯好黏，放左落去要用個湯殼壓開啲飯，同埋keep住攪吓以防痴，不過滾起時要小心，啲粥彈起好熱
終於食到個精華，真係最驚嘆既味道，啲粥甜到漏，係鮮甜到原本飽到9成，都忍唔住好想食，全部海鮮味落哂去，怕腥可以問佢拎薑放落去煲，本來話飽，結果我地食清左煲粥😂🙈，因為實在太好味，真心推介，必定要留肚食粥
總括，好食，必定會想再黎，如果每人送埋一罐飲品就更加完美，佢唔係任食，一個人頭費，有7款時令海鮮，3款蔬菜粒放粥底，再加5款自選配料，限時2個鐘，時間都唔算太趕，我地就啱啱好，btw我地都加錢叫左飲品，汽水$10，仲有啤酒可供選擇
鍋底
274 瀏覽
0 讚好
0 留言
海鮮盆
225 瀏覽
0 讚好
0 留言
花蟹
132 瀏覽
0 讚好
0 留言
終極海鮮粥
122 瀏覽
0 讚好
0 留言
張貼
