十十川滬料理 (已結業)

媽咪最鐘意食上海菜，喺朗豪坊行完街比我地發現Food Court 隔離就有間”十十川滬料理”!餐廳入口喺正food Court 入口嘅另一邊，唔算太顯眼，餐廳裝潢簡潔清新風，座位闊落舒適，特大卡位啱哂我地放戰利品！掃QR code 落單好方便，店員有禮介紹，讚！🌶️珍寶海鮮乾鍋🦞 $328 放滿海鮮嘅乾鍋，上枱時真係冒哂煙又好鬼香！海鮮乾鍋有蟹、鮑魚、海蝦、大蜆、魷魚酥等，每款乾鍋配菜仲有有薯條、萵筍同蓮藕等，非常十分勁豐富！醬汁用左花椒同八角等調味，令成個乾鍋香氣撲鼻！一路食仲有火暖住，越食越惹味！款款海鮮都好足料又美味，我就大愛鮑魚新鮮又夠軟身！媽咪都讚粒粒大蜆肥美仲冇沙！超級好味！🥟鮮肉小籠包 $58招牌菜之一小籠包，用薄薄嘅外皮包住滿滿湯汁，一啖咬落去D汁仲熱辣辣，鮮肉餡料肉味香濃！必試!🍚麻辣牛肉京蔥粢飯 $58 一份有4件嘅粢飯，外面用保鮮紙包住好方便拎上手，麻辣味適中，牛肉軟嫩，配埋京蔥食好夾！份量細細地啱哂我地！ 🥤飲品點了黑糖冰粉豆漿 $38估唔到好好飲！黑糖香甜而不膩，豆味濃郁，加左冰粉口感彈牙！好清爽！十十川滬料理地址📍： 旺角亞皆老街8號朗豪坊4樓7號舖