鮮芋仙 (東港城) (已結業)

幫襯左兩次，兩次都覺佢地個排隊系統真心又垃圾又浪費時間，以後都唔會再幫襯。本來仲好慶幸可以係佢地cut堂食排隊時拎到最後一張飛，唔知係職工唔識用佢地個叫號system 定點，結果等左勁耐，店入面有空座又唔叫號，結果一問先知佢地漏左我張飛。如果唔係見到佢地比外賣嘅人入座，我去追問佢地點解唔比堂食入座要比外賣入座，佢地都唔知有堂食飛等緊。明明係佢地行左幾次出黎問有冇客等堂食，已經同佢地講左有人等緊，佢地都有數左數，都可以話漏左😑更奇怪嘅係，明明係佢地自己停左唔再比人堂食，但見入面一有空位就同外賣嘅客講可以轉堂食😡最搞笑係堂食拎左飛，叫左號之後唔係比人入座嘅，原來係要去排隊等點餐，無奈又要排多次隊，結果先知外賣同堂食係排同一條隊😑等叫飛已經等左成個鐘，結果又要再等多輪先點餐入座。幾經辛苦終於入到去，先發現間舖，出餐淨出外賣，唔出堂食餐，入面堂食有大部分客都係未有餐到，見到有幾枱早我30分鐘入座，仲未有嘢食到。