豊勝手丼 (已搬遷) 新店位置

工作完了，已經到了晚飯時間。一個人想食好點，食個丼就最好不過，可以食幾款魚生，又唔怕唔飽。身在銅鑼灣，要食丼就當然首選豊勝手丼。五品丼有赤蝦, 三文魚, 油甘魚, 活帶子及日本赤海膽。赤蝦都有兩大隻，蝦殼精瑩通透，看得出的新鮮。的確，蝦肉非常鮮甜，肉質軟綿入口溶化，口腔充滿蝦的鮮甜，柔長不散。魚生厚肉肥美，三文魚軟腍，油甘魚充滿魚油甘香，帶子十分鮮甜。日本赤海膽份量都幾多，甘甜軟綿，夾著煙韌彈牙珍珠米飯，口感滿足。飯裡還有銀魚仔，就算齋食飯都不覺寡！還有螺肉，沙律及味噌湯。螺肉軟彈惹味，沙律清爽，配柚子醋十分開胃，味噌湯濃而不過咸，湯料還有豆腐及海帶。