影片
更多
2021-07-21
204 瀏覽
- 今次黎到呢間隱世又神秘既印度特色餐廳食飯🇮🇳，餐廳係正K-11對面既舊式大廈，店鋪裝修好有巧思，有好多印度元素，餐巾同枱布都俾人一種高級感。- 一如往常，餐廳會先上印度辣醬同薄荷醬。呢間既醬料比較濃味同稠身，但配上Naan都真係幾好味。我地今次叫左Cheese Naan同千層餅，Cheese Naan係拉絲既，仲要勁大塊，但我建議大家一定要熱辣辣食。而千層餅就有好香既小麥味，如果配咖哩或者薄荷醬就更夾。- 小食方面，今次我地叫左一款以往未試過既炸羊肉丸。雖然佢叫羊肉丸，但其實佢係呈餅狀既。味道上，佢一啲都唔羶，仲有陣陣香料味同辣辣地，但唔會好濃。而且佢係炸既，但一啲都唔乾，內裏仲有啲Nuts添！- 主菜方面，我地叫左雜錦燒烤。事實上，其實就係平時印度菜既Chicken Tikka（烤雞塊）、Macchi Tikka（無骨魚塊）同Tandoori Lamb（香料免治羊肉）。- 呢份雜錦燒烤係鐵板上既，加上檸檬汁🍋，香味更上另一個層次。而且我好欣賞佢將唔同燒烤放埋一齊，咁就可以咩都食下，因為好多餐廳都要逐款逐款叫。- 但今次唔能夠唔提既係店鋪既醉酒炭燒蝦，呢個招牌菜睇得又食得，表
- 一如往常，餐廳會先上印度辣醬同薄荷醬。呢間既醬料比較濃味同稠身，但配上Naan都真係幾好味。我地今次叫左Cheese Naan同千層餅，Cheese Naan係拉絲既，仲要勁大塊，但我建議大家一定要熱辣辣食。而千層餅就有好香既小麥味，如果配咖哩或者薄荷醬就更夾。
- 小食方面，今次我地叫左一款以往未試過既炸羊肉丸。雖然佢叫羊肉丸，但其實佢係呈餅狀既。味道上，佢一啲都唔羶，仲有陣陣香料味同辣辣地，但唔會好濃。而且佢係炸既，但一啲都唔乾，內裏仲有啲Nuts添！
- 主菜方面，我地叫左雜錦燒烤。事實上，其實就係平時印度菜既Chicken Tikka（烤雞塊）、Macchi Tikka（無骨魚塊）同Tandoori Lamb（香料免治羊肉）。
- 呢份雜錦燒烤係鐵板上既，加上檸檬汁🍋，香味更上另一個層次。而且我好欣賞佢將唔同燒烤放埋一齊，咁就可以咩都食下，因為好多餐廳都要逐款逐款叫。
- 但今次唔能夠唔提既係店鋪既醉酒炭燒蝦，呢個招牌菜睇得又食得，表演我比一百分💯。因為店員姐姐會係你面前將啲蝦點火，香味同誠意十足。而且啲蝦食得出絕對唔係平貨，隻隻都新鮮大隻，完全唔會霉。
- 飲品方面，我地叫左Mango Lassi同Mixed Fruit Lassi。同樣，外面啲餐廳真係好少見Mixed Fruit Lassi，呢款特別得來又解渴。
張貼
