Burgerman (埃華街)

朋友介紹話burgerman漢堡包幾好又來獨食一下，店舖細細有幾張枱同高櫈。

有10幾款唔同款式既漢堡，我揀左個招牌芝士漢堡+燒大菇，再加錢配埋餐有飲品同薯條/薯格/沙律。

漢堡即叫即整等左一陣，上下2片包好夠熱亦烘到微脆，漢堡扒夠熱夠厚多肉汁，加左燒大菇好香亦多汁，成個包都好夠熱，之前食過2間漢堡一係包唔熱一係扒唔夠熱，Burgerman做得幾好亦好味。

薯條熱辣辣又香脆又多。

收銀姐姐幾nice,下次要帶埋先生來食，試埋其他漢堡包。仲見有派對到會幾吸引，開生日會時可以考慮下。