獅城星馬餐廳 (已結業)

真係好耐好耐都冇去過旅行啦，除咗日本之外，我另一個好鍾意去嘅地方就係馬來西亞！雖然馬來西亞同埋星加坡都有肉骨茶，不過真係各有風味！今日都好掛住肉骨茶，所以就去咗呢間獅城星馬餐廳😋除咗肉骨茶之外，另外有兩份食物都好正！就係獅城咖啡骨同埋星洲麥皮大虎蝦🤤呢個獅城咖啡骨好特別，真係有好香嘅咖啡味，再加上呢個咖啡骨煮得啱啱好，骨肉分離！可以完全食埋骨附近嘅軟組織！重點推介梗係呢一個招牌肉骨茶2人 $268 ！價錢方面算係好抵食，因為呢度肉骨茶分量十足，有豬骨，豆卜，仲有一碟油炸鬼！最重點嘅係呢個肉骨茶嘅湯底非常好飲，唔係單純嘅藥材味，仲有好香濃嘅豬肉味！好高質