劉興記生煎包專門店

營業中

休息中

又同同事周圍搵野食，經過見到生煎包好多人就試下。招牌生煎包生煎包入面好多湯汁，熱辣辣小心爆汁，肉餡都好多配上微微焦的包，好香口。秘製上海炸排骨見到好多人都叫炸排骨就試下，外皮唔會太厚，豬肉肥瘦適中，配湯面或者湯會更好，無咁熱氣。雞絲酸辣湯酸辣湯有雞絲，木耳，冬菇，筍。我覺得生煎包配劇酸辣湯好夾，酸酸辣辣的酸辣湯可以解生煎包同豬排的油膩感。麻醬青瓜雞絲冷麵呢個亦都係清爽之選，夏天熱熱地好岩食，仲可以另外配汁，可以自己決定口味，份量都唔少。仲有豆漿任飲，一個人食lunch都好適合。