壽司郎 (啟田商場)

營業中

休息中

呢期小左好多job，唔係咁多工開，加上女友要清大假，女友就黎搵我食野。喺接女友前，已經去左壽司朗度拎左籌，點知接左女友行返去壽司朗門口，發覺仲有50幾個no要排，咁我同女友都唔係好餓，咪再去行陣，諗住半個鐘後再黎睇下點。前後來回左3-4次，每次黎都見到小幾張幾張咁，到入去都差唔多成個鐘，喺度奉勸各位，拎完籌，其實可以去行下樓上樓下，都幾多野睇既。入到去，2人得60分鐘食，其實覺得幾趕，如果可以多30分鐘就最好，不過都冇所謂啦。埋位就點左幾次野（因每次都只可點4個order)，同喺路軌度拎左幾碟黎食。食物質素其他人都講左，我都唔洗講太多，對呢個價錢黎講，我覺得真係叫幾高質。