Opa Mediterranean Bar and Bistro (已結業)

今日係尖沙咀唔知食咩好、決定揀返安全牌，黎呢間主打地中海菜既餐廳再幫襯過～✨意大利風乾火腿火箭菜薄餅離遠聞到已經覺得好香～上面既火腿份量超驚人，每塊薄餅都有一塊火腿，而且仲非常大塊。火腿咸香唔算油膩，加埋火箭菜獨有既苦苦香，可以平衡返味道。Pizza 係薄既個款，食落勁脆，上面有少少蕃茄醬，成個味道好豐富。✨ 烤地中海鹽漬鱈魚柳呢個主菜超靚，上面有一舊好得意既foam，好啱打卡！魚用左西班牙鱈魚。鹽漬鱈魚味道偏鹹，但肉質富彈性，特有一番風味。魚下面鋪左啲以色列古斯米，佢係用粗小麥粉加水揉成既細波波，食落口質感有啲彈性，有少少似西米，配埋啲sauce食都唔錯！