俺流塩らーめん (東薈城名店倉)

營業中

休息中

今日晏晝去咗食拉麵，座位都算多，但疫情期間都算坐得迫，同朋友都叫咗黑蒜油熟成拉麵，另外再追加左玉子大阪燒同埋明太子芝士餃子。首先，嚟咗玉子大阪燒，見到個樣有啲失望，只係用咗平時拉麵入邊嗰隻蛋加咗大阪燒啲醬同木魚，咁就$22，食落仲要冇乜特別，個蛋皮好老唔好食☹️ 之後個拉麵就嚟咗，啲湯冇平時啲拉麵咁濃郁，黑蒜油味唔重，另外再加黑蒜油醬料落個拉麵先多番少少黑蒜味，不過舊叉燒同蛋係幾好食，而拉麵嘅質地亦都唔錯😋 明太子芝士餃子係普通餃子上面加咗明太子醬同芝士，同我預期之中有啲出入，不過好足料，啲芝士可以拉絲，味道一般。整體成餐都麻麻地，冇乜特別，如果呢個價錢可以喺出邊食啲更加好食嘅拉麵，但如果想喺東涌搵拉麵食就算係一個選擇。