Tori Mama

門口唔易搵，係大街旁嘅後巷。入面座位唔多（ 50個以內。）

湯底係好濃郁嘅雞白湯，係嗰種可以飲得晒，然後同時做拉麵底又好適當嘅湯底，最後一滴都冇晒。咁嘅價錢仲包埋溏心蛋。

啲主菜全部都好食，雞胸肉雖然薄薄地，但係好軟熟，一啲都唔靭。雞胸肉可以揀燒嘅或者炸嘅，我個人就鍾意食燒嘅。不過呢排天氣凍，因為啲肉係另上，所以都凍得比較快。

另外仲有燒雞翼同埋炸蠔都好值得一試。

石塘咀少有高質日本拉麵店，甚至似喺日本食嘅拉麵舖。