影片
更多
2018-12-01
111 瀏覽
還有不足一個月就到聖誕了，相信很多人都已經開始為準備禮物而傷腦筋。筆者當然也不例外，所以趁這天工作不太忙，決定拿半天假，提早為朋友及家中兩隻小鬼選購聖誕禮物。由銅鑼灣行到落灣仔，仍沒找到心水，老公提議不如去利東街攤唞下，睇下聖誕裝飾，順便喺附近搵食。喺街口見到這間「樂拉麵」，即時瀏覽網上食評，原來這間麵店開業還不足一個月，門口放了一張「特濃櫻花蝦蝦湯叉燒拉麵」Poster，賣相非常吸引，反正大家都已經有點累，今日就一於食拉麵做午餐。按門內進，店內裝潢非常搶眼，用上「貓咪」為主題，除了大門掛有一大幅貓將軍手捧拉麵的壁畫外，連入面用餐區的彩繪牆，都畫滿一隻隻萌爆嘅「為食貓」，用色超豐富，而且每隻貓都有專屬於自己的名字，非常之有心思。先細看餐牌，拉麵類貴精不貴多，只有 6 款，另外仲有飯類、小食、飲品、沙律同甜品等供應。小食有枝豆、香煎餃子、日式炸豆腐、炸芝士蝦球、自家製雞唐揚、手羽先同吉列豬扒；至於飲品方面，除了汽水外，還有果汁汽酒和生啤等提供，選擇都幾豐富。先嚟一飯一麵，再邊吃邊揀。率先送上的迷你石鍋特濃龍蝦湯叉燒泡飯 ($42)，份量雖然看似不大，但原來都幾飽肚。面頭的五花腩肥瘦分明，
還有不足一個月就到聖誕了，相信很多人都已經開始為準備禮物而傷腦筋。筆者當然也不例外，所以趁這天工作不太忙，決定拿半天假，提早為朋友及家中兩隻小鬼選購聖誕禮物。由銅鑼灣行到落灣仔，仍沒找到心水，老公提議不如去利東街攤唞下，睇下聖誕裝飾，順便喺附近搵食。
喺街口見到這間「樂拉麵」，即時瀏覽網上食評，原來這間麵店開業還不足一個月，門口放了一張「特濃櫻花蝦蝦湯叉燒拉麵」Poster，賣相非常吸引，反正大家都已經有點累，今日就一於食拉麵做午餐。
按門內進，店內裝潢非常搶眼，用上「貓咪」為主題，除了大門掛有一大幅貓將軍手捧拉麵的壁畫外，連入面用餐區的彩繪牆，都畫滿一隻隻萌爆嘅「為食貓」，用色超豐富，而且每隻貓都有專屬於自己的名字，非常之有心思。
先細看餐牌，拉麵類貴精不貴多，只有 6 款，另外仲有飯類、小食、飲品、沙律同甜品等供應。小食有枝豆、香煎餃子、日式炸豆腐、炸芝士蝦球、自家製雞唐揚、手羽先同吉列豬扒；至於飲品方面，除了汽水外，還有果汁汽酒和生啤等提供，選擇都幾豐富。先嚟一飯一麵，再邊吃邊揀。
率先送上的迷你石鍋特濃龍蝦湯叉燒泡飯 ($42)，份量雖然看似不大，但原來都幾飽肚。面頭的五花腩肥瘦分明，而且上檯前每片都用火炙處理過，入口香氣獨特。珍珠米用龍蝦湯泡煮，湯頭十分濃郁；飯粒索盡龍蝦湯精華，食落有香濃蝦味、完全不腥。廚師非常細心，事先將石鍋預熱，以確保泡飯上桌時仍然暖笠笠。
接著吃餐廳主打的特濃櫻花蝦蝦湯叉燒拉麵 ($88)，麵條可以揀較軟、適中、較硬同埋要唔要蔥，而配料方面就有五花腩片、櫻花蝦、炸藕片和半熟蛋。先呷一口湯，湯底用龍蝦頭及其他材料一齊熬製，蝦味濃郁澎湃，但喝罷又完全不覺膩口。麵條用上直身幼麵，質感十分彈牙，掛湯力不俗。豬腩肉非常甘香、而櫻花蝦亦同樣出眾，香味突出，配埋溏心蛋同香脆蓮藕片，惹味好吃。
見餐牌上有唔少小食，一次過點咗三款：包括有日式炸豆腐 ($36)、海老餃子 ($42) 同黑胡椒味自家製炸雞 ($45)。日式炸豆腐非常好吃，外脆內嫩滑，豆香味濃郁。香煎鮮蝦餃子一客有五隻，餃皮煎得非常脆口，底部呈焦色，外皮又薄又香；入面的餡料有蝦肉同椰菜，蝦肉鮮甜爽彈，入口帶嚼勁，用料十足。
自家製雞唐揚食味亦不俗，雞塊炸得香噴噴，外脆內嫩，肉汁鮮甜，而伴吃的醬汁就帶黑胡椒的辛辣，與炸雞同吃，味道夾配。
最後以抹茶雪糕 ($22) 作結，雪糕嘅茶味雖然唔算好突出，但亦相當幼滑，加上夠挺身，慢慢影完相呃 like 先食都唔怕雪糕變成 matcha latte，非常抵讚！這頓拉麵午餐吃得非常滿意，服務也很周到，物有所值。
張貼
