霸嗎拉麵 (已搬遷) 新店位置

朋友喺港島區返工，今日咁岩有啲事要去香港會議展覽中心！於是乎就搵埋朋友一齊食午餐。我同呢位朋友一向都係日本迷+拉麵控！始終話晒都算係係半個日本認識。我叫左豬骨豚肉紫菜玉子拉麵，話晒豬骨湯+日本叉燒+紫菜+雞蛋，都係我嘅最愛！呢碗拉麵簡直就好似係為我而設。坦白講係香港真係好少食拉麵，因為曾經試過嘅拉麵都係令我非常之咁失望。今次呢度真係令我喜出望外，拉麵嘅眼都啱啱好，粗幼適中！湯底勁濃，日本叉燒都總算係厚切！好味。小食沙拉唐揚炸雞，一路飲住拉麵嘅熱湯一路食住炸嘢，真係令人非常之近享受！佢嘅炸雞揸得啱啱好，唔會太油膩。好正！下次都要同朋友再嚟食呢間