大丸ラーメン

營業中

休息中

今晚嚟到呢間餐廳，聽講呢間係一間日本人開嘅拉麵舖 每次見到都要排隊 次次都想食 但係見到條隊就每次都冇呢個衝動去食 今晚趁有時間 終於的起心肝去排 條龍好長 但排咗半個鐘到 都入到去食 入到去 鋪頭細細 但最緊要都係啲嘢好食 今晚帶埋個小朋友去 我自己嗌咗個 蝦豬骨叉燒拉麵 另外就嗌咗個兒童餐畀小朋友 兒童餐包一個叉燒拉麵同埋一支益力多 因為小朋友咳 所以益力多就收埋咗 呢間嘢標榜冇味精 食拉麵之前指定動作飲啖湯 濃濃嘅豬骨味 真係忍唔住一飲就飲咗三分一碗 拉麵唔會好淋 條條分明 叉燒好味啲麵 撈埋啲蝦食 分外有層次 而小朋友亦食得津津有味 好少見佢可以成碗麵食曬 雖然真係好細碗 但睇得出真係好食 排隊排半個鐘都值得 唯一唔好嘅就係間舖真係太細 而太多人都上嚟食 希望佢第日可以搵間大啲嘅舖頭 等到多啲人都可以試下 唔使排咁耐隊 順帶一提 番到屋企真係一啲口乾嘅感覺都冇 值得推介