影片
更多
2025-02-28
334 瀏覽
最近喺IG見到呢間街邊茶檔被吹捧得好似好好食咁，心癢癢特登過海去試吓。點知一試，失望到想即刻走人，真心奉勸唔好浪費時間去試。我同朋友叫咗豬扒火腿蛋公仔麵同雞翼公仔麵，點知啲公仔麵口感似足福字麵，軟淋淋完全唔係出前一丁嘅爽口質感。滷水雞翼更加係災難，滷水味完全欠奉，食落同普通蒸雞翼分別唔大。枱面只得筷子，連匙羹都無，食湯麵點樣搞？筷子夾麵，湯底想連麵食又食唔到，體驗差到爆。飲品方面，我哋叫咗一杯凍奶茶同熱奶茶。凍奶茶淡到好似水，茶味奶味雙雙失蹤。熱奶茶就更離譜，茶底苦得嚟似隔夜茶，仲有面皮話自己係「四大奶茶王」？真係拆晒招牌，影衰香港美食，呃遊客錢咁款。服務更加係趕客走。我哋兩個人去到，落單後順手叫佢俾三杯水（兩杯飲，一杯浸筷子），點知等咗一陣都未有。跟住再問一個阿姐，佢態唔耐煩，語氣怪我哋咁問返：「三杯水你哋三個人咩？」心諗：我哋兩個人拎三杯水有咩問題？多一杯浸筷子唔得咩？結果問咗兩次，最後都係冇水。喂，如果唔提供水，麻煩寫清楚啦，連拎杯水都要計人頭、阿吱阿咗咁同人講嘢，真係令人火滾。價錢就更加唔使講，兩碗麵、兩個多士再加兩杯飲品，埋單$140，完全唔值呢個價。呢啲質素同服務，街邊車仔
最近喺IG見到呢間街邊茶檔被吹捧得好似好好食咁，心癢癢特登過海去試吓。點知一試，失望到想即刻走人，真心奉勸唔好浪費時間去試。
我同朋友叫咗豬扒火腿蛋公仔麵同雞翼公仔麵，點知啲公仔麵口感似足福字麵，軟淋淋完全唔係出前一丁嘅爽口質感。滷水雞翼更加係災難，滷水味完全欠奉，食落同普通蒸雞翼分別唔大。枱面只得筷子，連匙羹都無，食湯麵點樣搞？筷子夾麵，湯底想連麵食又食唔到，體驗差到爆。
飲品方面，我哋叫咗一杯凍奶茶同熱奶茶。凍奶茶淡到好似水，茶味奶味雙雙失蹤。熱奶茶就更離譜，茶底苦得嚟似隔夜茶，仲有面皮話自己係「四大奶茶王」？真係拆晒招牌，影衰香港美食，呃遊客錢咁款。
服務更加係趕客走。我哋兩個人去到，落單後順手叫佢俾三杯水（兩杯飲，一杯浸筷子），點知等咗一陣都未有。跟住再問一個阿姐，佢態唔耐煩，語氣怪我哋咁問返：「三杯水你哋三個人咩？」心諗：我哋兩個人拎三杯水有咩問題？多一杯浸筷子唔得咩？結果問咗兩次，最後都係冇水。喂，如果唔提供水，麻煩寫清楚啦，連拎杯水都要計人頭、阿吱阿咗咁同人講嘢，真係令人火滾。
價錢就更加唔使講，兩碗麵、兩個多士再加兩杯飲品，埋單$140，完全唔值呢個價。呢啲質素同服務，街邊車仔麵都做得好過佢。
總結一句：炳記茶檔，IG吹得愈勁，現實愈失望，想試嘅人自己衡量吓啦！
奶醬奶油多
15 瀏覽
0 讚好
0 留言
雞翼麵/雞扒火腿蛋麵
40 瀏覽
0 讚好
0 留言
張貼
