WM Café & Bar (八號花園)

營業中

休息中

今日下畫四點幾嚟咗呢間Cafe，好多tea set 選擇，同屋企人點左好幾個tea set同lunch set,全部都好抵食。抵食都唔係重點，性價比高先係重點。首先，雖然話係tea set但係份量一啲都唔細，肉醬意粉配芝士多士啱啱焗起，肉醬意粉麵質爽滑,因為本人好怕食太淋嘅麵,所以覺得好好食，肉醬酸甜適中。另外lunch set有餐湯，主菜同埋飲品。餐湯我哋試咗忌廉龍蝦湯，龍蝦味超濃郁，我自己好鍾意。燒紐西蘭肉眼扒配燒汁飯個扒冇梳打粉味，保留牛原身味道而肉質偏淋，啲飯加上燒汁令人好開胃！煙三文魚千島薄餅係薄批嚟嘅，個皮焗得好脆，上面鋪滿蟹籽粒同埋三文魚，足料之餘味道都非常好。另外我哋都點左個甜品，加拿大楓糖窩夫配果醬雪糕，窩夫好重蛋香味，又唔會太甜，配上雪糕簡直一絕，啲藍梅果醬份量多到食唔晒！總括而言呢一餐食得好飽好滿足，性價比極高。