爺爺雞飯 (金百利中心) (已結業)

今日想食海南雞飯，想起爺爺雞飯都幾好食就揀左佢！好耐冇嚟原來出左2人餐，個餐包前菜、小食2款、２個主菜、２杯飲品同甜品，豐富又抵食！胡麻雞絲粉皮用上日式胡麻醬，味道很清新，冰冰涼涼，很是開胃。咖央多士／椒鹽豆腐多士脆口，咖央醬帶有椰香及蛋味加上厚厚牛油，十分邪惡！椒鹽豆腐外層香脆，豆腐嫩滑，灑上小許椒鹽在上面，惹味又不油膩。半隻海南雞雞肉嫩滑，去骨啖啖肉，沒有肥油，必食！叻沙海鮮火鍋叻沙湯底配上海鮮：魚腐、基圍蝦、沙白、帶子等，性價比高!點了泰式奶茶和咖啡，亦是不錯！最後是自選甜品，我選了椰子雪糕和榴槤雪糕！整體抵食味道亦不錯！