上海萬家村小館

營業中

休息中

深水埗真係好多平靚正嘅食肆，今次就試咗呢間上海川菜。叫咗個砂鍋雲吞雞二人餐， 價值$268 ，仲要冇加一。除咗有¼隻砂鍋雲吞雞鍋之外，仲有揀一款主菜，一款小食，甜品同嘢飲。主食揀咗酸菜魚，小食方面要小籠包，甜品就嗌左豆沙鍋餅。二人餐來講，除咗種類多之外，份量都好多。小食嘅小籠包，我以為得兩粒，原來有五粒。 雖然小籠包嘅皮有少少厚，但係新鮮整起，入邊有好多湯汁，都好好食。酸菜魚味道唔錯，唔會好辣，魚肉又大塊又滑，薯粉都好煙韌。砂鍋雲吞雞相對味道比較清淡，但都好足料，有4粒雲吞同¼隻雞。豆沙鍋餅嘅表皮香脆，入邊有好多紅豆蓉，甜而不漏。