燒烤堂

營業中

休息中

今日同朋友去咗呢間燒烤店，整體食物質素對得住價錢~ 真係次次黎都食到好滿足~ 最正生啤仲有買一送一優惠，配燒烤食物好適合🥢手切牛胸爽，油脂感爆到成口都係。而牛舌腩就切得厚薄適中，燒完之後外層微脆，內裡保持到肉汁⭐️焦糖青蘋果鵝肝多士處理得幾好，鵝肝外脆內軟，青蘋果片中和咗油膩感。味淋魚乾就真係幾惹味，脆身得嚟帶甜香，送啤酒一流。🥢孜然燒茄子同蒜蓉菜脯燒豆皮勁惹味！可以話每次食燒烤都會必點！👍🏻汁燒免治雞肉月骨棒雞肉搓夠實淨，點埋蛋黃醬汁食，滑溜得嚟唔會太膩。雞心就燒得剛好，保持到爽脆口感❤️鰻魚炒飯鑊氣夠，飯粒分明，鰻魚份量都真係多，啖啖都食到鰻魚。檸蜜牛油包: 多士入口香脆，勁香檸檬味好好食！🍴海鮮方面，蒜蓉燒生蠔新鮮肥美。日式燒白鱔皮脆肉嫩，魚油香幾突出🥢韓燒泡菜五花腩就辣度適中，泡菜嘅酸味平衡到五花腩嘅油膩。鹽燒豚肉荔枝卷幾有創意，豚肉包住荔枝一齊燒，甜鹹配搭意外地夾