蔵鳶居酒屋

營業中

休息中

蔵鳶居酒屋喺尖沙咀加拿芬道，由於佢嘅位置係喺地庫，所以應該好多人留意唔到。不過呢度其實都幾唔錯㗎，尤其是下午嘅時候， lunch set特別抵食。同朋友一人叫咗一款Lunch Set，set入面會包埋前菜，沙律，麵豉湯同茶碗蒸，我想講呢度嘅茶碗蒸係超級好食，好滑。今次我揀咗鹿兒島和牛丼定食，牛肉都幾鮮嫩，而且富有肉汁，牛尾仲好濃郁添。而朋友點嘅銀鱈魚西京燒定食，我是食咗幾啖都覺得好正，本身我自己好怕食燒魚，因為怕腥味，不過銀鱈魚就完全冇呢個情況，而且魚身好滑，而且充滿油脂，應該係我食過最好味嘅燒魚。整體來講，食物好正，價錢唔貴，服務亦都高質。