惠比壽本店

營業中

休息中

今日放假就特登去左葵芳廣場買新衫經過見到有間新餐廳派緊傳單，有7折優惠呀$90就食到個刺身定食喇成個感覺好舒服又乾淨特上刺身定食有三文魚腩、帆立貝、櫻花蝦、赤身、油甘魚！好鍾意食三文魚腩油香豐富，好新鮮不過就唔食得太多，兩件岩岩好赤身肉質幾滑，食落有回甘既香味！食材好新鮮呀燒豚肉溫泉玉子丼一上檯，就已經好吸引，豚肉燒得好靚好有光澤！每一塊既豚肉都唔會太肥，肥瘦適中同埋好好入味，不過食落就有少少韌，可能燒得耐左！食呢個飯時要先加醬油&泡菜，再撈勻先食，不過個人認為醬油味道偏淡，如果可以濃返少少會更惹味！燒八爪魚丸呢個好好食，熱辣辣架燒到外層有啲微脆咬落去唔會好粉漿，八爪魚好有彈勁