明谷

營業中

休息中

信德中心揀餐廳食飯真係好難，一係好貴一係唔好食，但小編終於發現寶藏～～明谷。明谷位於商場2樓，鄰近M記，方便易去，環境舒適乾淨，加上座椅闊好舒服，又有得挨住，絕對係上船前休息既好地方。食物方面，小編試左下午茶餐，價錢34蚊，好抵食，有大大份豬扒蛋三文治加飲品，豬扒腌得好入味，味道咸咸香香，而且豬扒仲要厚切，都成1 cm 厚，相當滿足，麵包有烘過並搽上牛油，脆脆香香的，好好味。飲品方面，小編叫左檸檬茶，茶底香濃，好香紅茶味，而且檸檬係厚切，好滿足到鐘意飲檸茶既朋友。