燒肉801

營業中

休息中

網上見到燒肉801好評如潮，今晚經過見到咁岩有位所以潮聖下！QR code落單方便快捷，圖文並茂簡單易明！店員服務幾好而且環境唔會濃煙好勁，抽風系統幾好。Order了801燒肉盛，包有大判燒黑毛和牛肩胛肉， 腹前牛小排，蔥鹽味雞腿肉，再加25蚊轉 set可以叫飯，冷麵或生菜。和牛肩胛肉全晚之最，完全可以媲美之前我係日本新宿食過既薄燒牛，汁燒關係已經調好味，再輕輕每邊再燒，再配上蛋汁米飯一齊食，入口溶化而家牛肉汁相當濃郁，有非常幸福既感覺，超水準之作。腹前牛小排色澤紅潤，厚度適中，入口非常有口感！牛味都幾突出，肉汁都澎湃。雞腿肉都夠嫩身，唔會燒到乾柴感！再配這個汁更清新開胃。黑毛豚無骨小排，肉質幾緊緻， 肥瘦比例適中！亦係高質之選。蜜瓜燒酌梳打味道清新！ 蜜瓜果香甜得自然夠清爽， 酒味唔會太過濃烈， 完全可以中和之前過多肉類既飽滯感覺。