新南苑私房菜 (已結業)

收工同朋友諗住去尖沙咀飲番杯,，於是好友介紹去食番個雞煲。入座後再就選擇海鮮雞煲任食放題..首先來左個刺身拼盤，刺身拼盤用料上乘，大大隻甜蝦同帶子鮮甜味美，北寄貝新鮮肉厚彈牙..三文魚肥美甘香，佢地既刺身拼盤有鮑魚口感新鮮有咬口，而套餐有5款左酒小食，當中蝦多士炸得可口又唔油膩。之後就麻辣雞煲出場，雞煲配料十足而店員再加上油炸鬼炒伴顯得雞煲更加份外野味，雞煲內雞肉鮮嫩麻香十足非常好食。食完雞煲後就另撰湯底打邊爐，為左配合海鲜餐我地就揀左蟲草花耶子花膠湯，跟餐既手切本地牛頸脊肉質新鮮肥美入口有牛香。而海鲜拼盤食材相當有份量及質素新鮮唔係一搬貨色，青口烚熟後都唔會有韌既感覺，龍蝦新鮮美味，蠔同帶子仲有魚片都非常鮮味，呢個套餐仲十幾款其他配料非常豐富。離開時候發現午市推介都抵食，仲有已約定好姊妹下次放工先shopping再來食，因為呢度有貓頭鷹時間9:30後入座啱啱好又免加一，比晚市再平d好啱夜之一族黎食。