影片
更多
2023-03-16
40 瀏覽
我男朋友鍾意食雞煲同打邊爐， 於是帶咗佢嚟呢間餐廳試下佢嘅海鮮餐。由於呢間尖沙咀分店係新開張， 所以環境相當乾淨企理。座位非常闊落，坐得幾舒服。一入門口就見到擺放咗好多Iron Man嘅figures，相當吸睛。我哋一開始先食小食，刺身拼盤同雞煲。呢個刺身拼盤相當吸引😍， 有鮮蝦，多款刺身同鮑魚。刺身食落好新鮮，鮑魚亦非常彈牙。本人平時好少食雞煲，因為覺得肥膩，但係呢個雞煲好香噴噴，唔油膩之余，雞肉非常嫩口，完全冇雪味。食完刺身同雞煲，我哋就開始打邊爐，食海鮮拼盤。湯底有好多唔同選擇， 一共有10款特色湯底。 由於本人好注重養生，所以就選擇咗呢個蟲草花椰子花膠湯。個湯底好足料， 清清地飲落好舒服。成個餐個重點就係牛頸脊，本人極力推介😋! 佢個牛頸脊油花均勻，肉質嫩滑，而且牛味濃郁。我男朋友一向對於牛肉嘅要求好高，佢都話呢個牛頸脊好好食。龍蝦好大隻，彈牙可口! 除此以外，我哋仲食咗龍躉片，墨汁墨魚丸，肥牛，響鈴等等。食完超級飽，但係好滿足。😊打邊爐當然要有飲品啦，除咗有各式各樣嘅汽水同紙包飲品之外，仲有自家製飲品，好似有冷泡茶，水果茶，五花茶。呢個水果茶熊仔樽嘅設計十分可愛🥰！個甜品係北
我哋一開始先食小食，刺身拼盤同雞煲。呢個刺身拼盤相當吸引😍， 有鮮蝦，多款刺身同鮑魚。刺身食落好新鮮，鮑魚亦非常彈牙。本人平時好少食雞煲，因為覺得肥膩，但係呢個雞煲好香噴噴，唔油膩之余，雞肉非常嫩口，完全冇雪味。
食完刺身同雞煲，我哋就開始打邊爐，食海鮮拼盤。湯底有好多唔同選擇， 一共有10款特色湯底。 由於本人好注重養生，所以就選擇咗呢個蟲草花椰子花膠湯。個湯底好足料， 清清地飲落好舒服。
成個餐個重點就係牛頸脊，本人極力推介😋! 佢個牛頸脊油花均勻，肉質嫩滑，而且牛味濃郁。我男朋友一向對於牛肉嘅要求好高，佢都話呢個牛頸脊好好食。龍蝦好大隻，彈牙可口! 除此以外，我哋仲食咗龍躉片，墨汁墨魚丸，肥牛，響鈴等等。食完超級飽，但係好滿足。😊
打邊爐當然要有飲品啦，除咗有各式各樣嘅汽水同紙包飲品之外，仲有自家製飲品，好似有冷泡茶，水果茶，五花茶。呢個水果茶熊仔樽嘅設計十分可愛🥰！個甜品係北海道牛乳奶凍，正👍🏻!
今次係晚餐去食，睇完menu先發覺原來lunch 好抵，只係$208 就可以任食，如果9:30pm 入座都開心，$338又唔加一, 比晚市更happy。
張貼
