檸檬冰室 (中海日升中心)

營業中

休息中

檸檬冰室 Lemon Cafe是地道港式冰室，觀塘全新分店已經喺駿業街中海日升中心地下開咗,今日咁啱同朋友經過，梗係要入去試吓！餐廳用檸檬黃做主色，全店燈光明亮，地方寬敞，座位舒適。超值二人套餐：白飯、餐湯、餐飲老火湯足料夠火喉。熱奶茶、熱阿華田：香濃夠味。鮑魚雞煲：雞件鮮嫩，鮑魚彈牙，醬汁香濃惹味，送飯一流！菠蘿生炒骨色澤鮮艷，味道酸甜，非常醒胃。鮮茄芝士焗肉醬意粉：有蕃茄又有肉，酸甜開胃，在意粉上加芝士碎，焗後表面金黃香脆，內裡是半溶化的芝士，令平凡的意粉變得更滋味！開心果脆曲：將濃郁堅果香與酥脆口感完美融合，每一口都能品嚐到細膩的堅果顆粒與濃郁奶香，酥脆口感、咬下鬆化、細嚼回甘。