The Stadium (已結業)

咁啱去開The Wave 附近，就走入去睇下有乜好食，突然想食西餐，就揀左The Stadium。一入餐廳，見到地方好闊落，座位寬敞，同時又見到有桌球枱，可以打桌球真係好Chill，成間餐廳好美式feel，仲要坐滿晒人，坐低叫咗個炸魚薯條，同焦糖咖啡沙冰。魚柳炸得好脆，魚肉幾嫩滑。薯條一樣熱辣辣，又係炸得好脆，而且魚柳同薯條分量好足，食得好飽。焦糖咖啡又濃水香，甜度剛剛好，成個餐都唔錯。如果經過The Wave 附近唔知食乜好，呢間都唔錯，可以考慮。