地地道

營業中

休息中

日日番工食晏都係幫襯呢間茶餐廳，食左都有一段長時間。呢度都幾多選擇，除左餐牌上有幾十種唔同款式之外，午餐、下午茶餐亦都分別有幾款係每日唔同。價錢方面亦算平，響同區嘅茶餐廳黎講幾抵，午餐唔貴，茶餐平之餘，份量同午餐差唔多。未夠兩點已經可以開始叫下午茶，有日嘅下午茶餐，竟然有呢款涼拌雞脾烏冬，炸雞脾不嬲係我至愛，難得雞脾炸得香口，但唔會太乾身同油，雞肉唔鞋，烏冬係用香蒜、芫茜、醋黎涼拌，食落幾好幾開胃。呢間茶餐廳真係唔錯，價錢平，選擇多，食物味道可以，希望可以一直保持到水準，會繼續幫襯。