Give Me 5 (已結業)

今日帶左兩老去觀塘再試其他小店，早前已經發現呢間「GIVE ME 5」開張想試，最主要係有自助沙律吧，不過款式比較同區另一間少Ｄ，但係有點係正既，竟然會有餐廳將紅白餐酒都放埋上自助吧任飲果下真係好心動，因為酒水係每間餐廳最賺錢既野。。。一入門口大家已經可以見到有一大個酒櫃，前方就係自助吧，有沙律菜，有２—３款沙律醬，有４—６種配料，２款自家沙律，一款餐湯，牛油多士，紅白餐酒，淨係呢度已經值回票價，因為出面供應自助吧都已經收你一個價錢了餐廳既枱擺得算闊落，而且枱都幾大幾長，坐得好舒適。另一邊有一張桌球枱，側邊再放兩部標機，唔知是否免費任玩，不過都見到有人去玩感覺好似一間Ｂａｒ　＆　Ｒｅｓｔａｕｒａｎｔ一樣，吃喝玩樂樣樣齊，真係聚腳好地方今日餐湯係紫薯湯，其實我自己都整過，雖然望落感覺係怪怪地，不過好飲沙律就有個中式Ｄ既涼拌鮮菇木耳，用左鎮江醋整，好惹味開胃沙律菜有貴價Ｄ既羅馬菜，正不過仲有個沙律就麻麻地，用左小朋友最唔鍾意既雜豆加蛋黃醬拌埋，雜豆係最少人會鍾意。我揀左個芝士意大利雲吞，好味，不過個汁做得唔夠西式，似係一堆茄茸倒係上面咁，雲吞既熟度都有少少過左火，皮比較冧德國豬手好味，皮燒