小方糖甜品 (龍崗道)

營業中

休息中

食完飯，朋友又有揸車，所以即興去九龍城食甜品，揀咗幾間，決定一試小方糖。我叫咗宇治金時冰，朋友就叫咗芒果糯米飯。我個刨冰好大份，入面除咗冰之外，有綠茶雪糕，有椰果，有小丸子，仲有紅豆。所有嘢夾埋一齊，十分有口感，而且唔會因為啲冰溶咗而淡晒味，抵讚。同埋佢又唔係死甜，食完唔洗食好水。友人食個糯米飯，完全無諗過港式糖水店入面有泰式甜品食，仲要係好食嘅。芒果唔太酸，糯米飯又夠口感，最重要係個椰汁，香而唔假，可以同泰式食店一戰。喺九龍城嚟講，呢間糖水都唔算貴，排隊亦只係十分鐘，下次我會再嚟食，抵食，好食。