校長燒肉日韓料理 (大埔廣場)

營業中

休息中

喺觀塘同元朗分店己經幫襯過，今日到大埔分店嘗嘗，呢度除左燒肉放題同自助區食物外，加＄50可以升級享用刺身同火鍋。自助區食物烤肉： 無論雞肉，豬肉，牛肉，海鮮都醃好哂，份量幾足。刺身：三文魚厚切肥美，紅蝦結實鮮甜，其他如吞拿魚，榮螺，八爪魚，蟹棒則普普通通。熟食：有點心，茶碗蒸，碗仔翅，多款中式炒菜，燉湯。甜品：有雪耳木瓜糖水，自製軟雪糕，多款奶凍和糕點。仲有幾款火鍋湯底同多款飲品同自製泡茶。埋單唔使＄200可以食到飽走人，即使食物質素普通，但員工收碟快同勤換燒烤托盤紙，真係值得再黎食。