影片
更多
2019-10-01
3411 瀏覽
食開佐敦店，終於開到嚟港島，當然要去支持吓，$200一位，雖然水及飲品另計，但可以食到多款新鮮海鮮，絶對係超值！適逢母親節正日，一家人選擇嚟呢度打邊爐，食頭段6:00-8:30pm，呢度上菜好有效率，基本上兩個鐘內就已經可以食飽飽。個人認為預設份量嘅火鍋料已經好夠，如真係唔夠飽的話，亦有超過30款配料可追加，每份只係$20，真係好抵食！每枱有計時器一個，方便用嚟計唔同海鮮所需嘅時間，牆上都貼有建議烹調時間，等客人可以食到各海鮮最佳嘅口感及味道，好細心時令海鮮有7款，可自選其中5款，我哋揀咗鮑魚丶皇貝丶元貝丶花甲丶海蝦每次食，唔同分店，D肉蟹都係好新鮮、足肉、有蟹膏，絕對唔會失望特選海鮮，今次指定兩款係肉蟹(一向滿意)丶沙白 (可惜今次粒粒都有幾多沙)本身個湯底係米水，味道係要靠煮海鮮嘅精華變濃最鍾意食貝殼類海鮮 聖子係店員續枱推介，要另外加錢嘅，唔記得幾錢兩隻，只記得係合理價，我哋加咗四隻，新鮮！特別推介：西班牙黑毛豬梅頭肉丶美國肥牛 (唔好意思，掛住食，無影相)油炸鬼係自選配料嘅其中1款(共可自選8款)，海鮮粥準備蔬菜有芋頭粒丶南瓜粒丶粟米，另外仲有豬油渣丶菜脯丶冬菜丶蔥粒，店員會先
每枱有計時器一個，方便用嚟計唔同海鮮所需嘅時間，牆上都貼有建議烹調時間，等客人可以食到各海鮮最佳嘅口感及味道，好細心
時令海鮮有7款，可自選其中5款，我哋揀咗鮑魚丶皇貝丶元貝丶花甲丶海蝦
每次食，唔同分店，D肉蟹都係好新鮮、足肉、有蟹膏，絕對唔會失望
特選海鮮，今次指定兩款係肉蟹(一向滿意)丶沙白 (可惜今次粒粒都有幾多沙)
本身個湯底係米水，味道係要靠煮海鮮嘅精華變濃
最鍾意食貝殼類海鮮 
聖子係店員續枱推介，要另外加錢嘅，唔記得幾錢兩隻，只記得係合理價，我哋加咗四隻，新鮮！特別推介：西班牙黑毛豬梅頭肉丶美國肥牛 (唔好意思，掛住食，無影相)
油炸鬼係自選配料嘅其中1款(共可自選8款)，海鮮粥準備蔬菜有芋頭粒丶南瓜粒丶粟米，另外仲有豬油渣丶菜脯丶冬菜丶蔥粒，店員會先問大家有冇邊款唔食，咁佢先按我哋要求落配料加米煮粥。每人至少起碼有一至兩飯碗份量嘅粥，其實次次食到最尾已經飽哂，食唔落成碗，但都會食幾啖，咁先算圓滿架嘛
題外話/補充資料：
特別要讚一讚幾位年青店員，佢哋好熱情，個個都笑容滿面，同客人好有互動，唔怕醜肯溝通，又會提醒客人拎齊個人物品先走，臨走前佢哋每位仲會好有禮貌咁講多謝byebye，成餐飯好歡樂！
(以上食評乃用戶個人意見 , 並不代表OpenRice之觀點。)
張貼
