鄰居 (已結業)

入到店，大概有15-20個位，店員有禮貌咁招呼入座漢堡既款式唔算多，除左一款鷄漢堡同一款齋漢堡外，其它都係牛漢堡，不過仲有多款小食，整體數量ok。因为即叫即做，所以须等候15-20分钟。叫左一杯鄰居特飲，店員親切咁提醒要搞勻個底先好飲。分量夠，味道都ok，唔會太甜。到主菜啦，雙層芝士牛漢堡，包皮鬆化，漢堡肉汁源源不絕咁流出，相當唔錯薯條係混合兩款，普通薯條同南瓜薯條，炸到外脆内軟，好食一餐用左78蚊，完全物有所值！！離開時店員仲會有禮貌咁同客人講再見，非常體貼。唯一既缺點係因为店鋪面積唔大，加上係開放式廚房，食完會比較大陣味，不過呢様好多地方都係咁，只係小問题。