泰國婆

營業中

休息中

今餐試咗一間主打泰菜嘅餐廳，每道菜都好有驚喜，味道層次分明，食得出廚房真係有落心機 😋✅泰式燒豬頸肉
燒得焦香適中，外層微脆，啖啖肉汁，啲油脂滲得啱啱好，唔膩。豬頸肉彈牙，咬落去煙韌得嚟又唔會難咬，配埋酸辣醬一齊食，酸香中帶少少辣勁，好醒胃，越食越停唔到口 😍✅芭堤雅雞肉卷（8粒）
炸皮夠香脆，入面雞肉滑滑地，仲有啲蔬菜碎提升口感，清清哋又唔油膩。蘸埋甜辣醬後味道更加突出，啱晒鍾意食香口小食嘅人 😉✅半隻海南雞
雞肉嫩滑有肉汁，皮薄冇多餘油脂，食落去清清地但又唔寡。醬汁調味都好到位，辣椒醬夠香辣，甜豉油鹹甜剛好，點邊款都加分 ✅泰式肉碎生菜包
肉碎炒得好香，九層塔、蒜香、微辣交錯，味道豐富得嚟唔會太重。包埋爽脆生菜一齊食，清新又解膩，係成餐中最平衡又開胃嘅菜式之一 😌✅泰式蝦膏炒芥蘭鳳尾蝦炒金邊粉
炒得超有鑊氣，蝦膏香味撲鼻，唔會死鹹。粉條乾爽、有微微焦香，大蝦爽彈冇腥味，芥蘭又脆又清。每啖都充滿香氣同鮮味，超正 😮✅芒果糯米飯
芒果甜度剛好，滑溜無筋；糯米飯煙韌不爛，椰漿香滑而不膩。甜中帶一點鹹香，食落去好滿足，係成餐最圓滿嘅句號 🥰鍾意泰國菜嘅你，呢間絕對值得一試！