馬泰

營業中

休息中

晚市終於開番啦🤩等左好耐 不過要填資料或者嘟安心出行🌝 當然仲要量體溫 口罩記得放口罩套 唔好放枱面 店員會提供口罩套👍🏼👍🏼好貼心 好想好想食喇沙 見到有咖央多 都好耐無食 所以一定要食馬來咖央多 斑斕味 咁肥嘅嘢 當然要開心share 入面揸左超多咖央醬同牛油🤤  雞絲喇沙個湯好正 豆卜吸曬啲精華！入面有兩款面 兩隻蝦同好多雞絲 啲面多到應該係二人份黎😂  娘惹一品牛柳粒都好唔錯 好香口 記得要即食 唔係擺得耐會韌 因為佢用鐵板上 炭燒魷魚好有咬口 秘制辣汁係酸酸地 幾開胃 全部都可以再encore 下次黎會想試馬來特式手拉茶 好似好正咁 好岩帶外國朋友黎 因為餐廳中英對照 又有圖 唔駛即時翻譯🤪 不過唔想排隊可以早啲黎 六點唔駛等🤭