影片
更多
2013-06-01
369 瀏覽
夜晚7-8點左右，同男朋友係油麻地拎住個喼搵地方食晚飯，想話搵間可以放到喼又唔阻住人既餐廳，但大家都淨係諗到打邊爐，不過天氣又太熱……突然醒起有間泰國菜就係四季附近，之前食過佢既串燒都OK既，上OPENRICE double check左佢有堂食就嗱嗱林去搵位。係門口我地係咁2望左眼，舖仔細細位唔算多，大概15-20個位，當時都係得2檯客4個人。有位應該係泰藉女侍應見到我地就叫我地入去，我地示意有個喼好阻掟，佢同另一個男侍應(可能係老闆)就話冇問題冇問題!!仲叫我地坐入面既位，又可以安置好我地個喼 呢D熱情招待，俾著其他細舖既餐廳見到我地又喼又袋都未必會咁好禮貌! 呢度既service值得一讚!呀姐見我地settle好就俾menu我地，價錢唔算特別平。我非常鍾意食生蝦但見都要HKD 86有點貴，問姐姐一碟幾多隻，佢話有8-9隻，但全部即日新鮮送到，包爽口彈牙架~心諗HKD 86得8隻，唔要! 同姐姐講諗諗先…最後我地叫左蝦醬炒飯同泰式炒金邊粉加個椰青，姐姐入單之後就捧左個椰青過唻椰青算係正常size，對比馬拉或泰果的當然算細啦!味道清甜，但點解冇乜椰肉既 冇耐廚房就傳唻陣陣穫氣既聲音
係門口我地係咁2望左眼，舖仔細細位唔算多，大概15-20個位，當時都係得2檯客4個人。
有位應該係泰藉女侍應見到我地就叫我地入去，我地示意有個喼好阻掟，佢同另一個男侍應(可能係老闆)就話冇問題冇問題!!仲叫我地坐入面既位，又可以安置好我地個喼 呢D熱情招待，俾著其他細舖既餐廳見到我地又喼又袋都未必會咁好禮貌! 呢度既service值得一讚!
呀姐見我地settle好就俾menu我地，價錢唔算特別平。
我非常鍾意食生蝦但見都要HKD 86有點貴，問姐姐一碟幾多隻，佢話有8-9隻，但全部即日新鮮送到，包爽口彈牙架~
心諗HKD 86得8隻，唔要! 同姐姐講諗諗先…
最後我地叫左蝦醬炒飯同泰式炒金邊粉加個椰青，姐姐入單之後就捧左個椰青過唻
椰青算係正常size，對比馬拉或泰果的當然算細啦!味道清甜，但點解冇乜椰肉既
冇耐廚房就傳唻陣陣穫氣既聲音! 好快，真係好快，我既炒金邊粉就到左!
賣相唔差，份量都幾多…一個唔大食既女仔就一定食唔哂味道就淡左D，我地係泰國食既就甜甜地好味D，鍾意重口味既就唔好試喇。
不過勝在佢唔算油淋淋，但又唔會一pat pat痴埋一齊，OK啦!
見佢仲落左D芝麻咁細隻既蝦仔一齊炒，唔知係咩蝦但係味道咸香，不錯!
過多唔夠5分鐘，炒飯都來了
賣相都幾好，份量都係幾多…哈哈!! 第一個反應係應該帶個lunch box唻。味道就同炒粉相反，係偏咸!! 我唔算重口味既人，食到尾個椰青飲完就覺得好咸 但男朋友鍾意重口味既就覺得只係少少咸左D。 見人見志啦，可接受既! 但油就真係多左D喇...
食食下愈來愈多人入唻食，見人地叫生蝦又真係好吸引，所以忍唔住加單 5-10分鐘度就有得食喇!
嘩~~好好味咁呀!! D生蝦拎上手都幾大隻，食落好厚身好爽口好彈牙!! 姐姐果然冇呃人!!成碟有8隻，不過有隻明顯細隻D…都唔緊既，好味就得!
生蝦另跟一碟仔汁，點少少都覺得夠哂辣!!
成餐飯埋單HKD 207 (平左4蚊既) 呢個價錢呢個質數同份量算唔錯!! 臨走仲望左眼佢D串燒，HKD 10-14串，雞肉真係幾大串，下次可以再試，一定會再唻。
但如果你有個要求高既女朋友就唔好試，因為環境實在比普通更普通，，我隻腳都俾蚊叮左2啖
張貼
