泰Grill (天晉匯)

喺將軍澳其實唔使行到出去澳南海岸，距離地鐵站5分鐘路程嘅天晉，都有唔少餐廳選擇，今次就試咗呢間泰國菜～▪️蛋包虎蝦炒金邊粉🦐🍝金邊粉炒得乾身，唔油，加埋蛋，口感更豐富。另外金邊粉本身唔辣，但側邊有啲辣椒粉，鍾意辣嘅可以撈埋嚟食，更加惹味，但唔食得辣嘅就要小心沾到，因為啲辣椒粉都真係幾辣😂 面頭有兩隻虎蝦，都幾大隻，同埋肉質唔老▪️手打馬沙文咖喱 - 牛肉🐮🥘第一次食馬沙文咖喱，唔會好辣。揀咗牛肉，食落唔韌。入面仲有薯仔同洋蔥，不過如果再多少少蔬菜會更好▪️蒜蓉包🧄🍞叫咗咖喱，梗係要加份蒜蓉包用嚟沾咖喱。蒜蓉包香脆，仲好香蒜蓉同牛油味▪️串燒 (半打) - 雞、牛、豬🐔🐮🐷串燒可以自由配搭，我就揀咗雞牛豬各兩串，咁就可以咩都試吓。三款肉都唔會燒到乾晒，帶少少焦香，而沙嗲醬就好香花生味▪️龍眼冰🍹勁大杯，飲落清甜，入面仲有好多龍眼肉原來餐廳最近仲喺中環Basehall開咗分店，以後lunch又多一個選擇🙆🏻‍♀️泰Grill📍將軍澳唐俊街12號天晉匯一期地下G06號舖