馬泰

營業中

休息中

大熱天時就想食啲開胃菜，泰國星馬野就岩哂香港人，馬泰近銅鑼灣地鐵站，價錢合理，下午茶都幾多人黎食。馬來無骨海南雞喇沙一定要食喇沙，最鍾意就係食佢嗰種辣辣地又有椰香味嘅湯底。香味重加埋好掛湯嘅米粉同油麵一齊食剛剛好，海南雞份量都幾多，兩個人都唔錯。海南雞好滑，啲皮唔會大痴身，再配埋少量花生，佢啲花生揸得好香脆，再配埋蘿蔔絲，入口酸酸地，整體感覺好配合，正！馬來杏仁蝦餅有濃濃的香茅味，份量多，點埋泰式辣醬就啱啱好泰式軟殼蟹捞檬粉軟殼蟹炸得唔錯，上菜時已經切開左，檬粉唔易斷開芭堤雅炭燒豬頸肉豬頸肉夠薄身，惹味新鮮，泰國豆奶紫米冰覺得辣辣或者食到好漏，飲豆奶岩岩好，加埋紫米可以當做甜品咁食，最緊要係唔會因為啲冰好快溶就無奶味，爽。