影片
更多
2019-01-03
46 瀏覽
以前喺屯門區紅極一時嘅小曼谷原址變左呢間象泰宴，同樣係泰國菜館，營業左一段時間我都未試過。餐廳有重新裝修過，店面光猛企理，比以前寬敝，而且舒適得多餐牌都係一貫泰國菜，沙律、小食、咖喱、海鮮、肉類、串燒，仲有D其他東南亞菜蹤影，例如越式生牛河、海南雞飯等等。店員(老闆？)送嘅蝦片，好香脆！今日點左月亮蝦餅，一份88，唔似其他蝦餅，唔係呈圓形或者球狀。類似薄撐形式，煎炸後切成八件。蝦餅有明顯蝦味，食落香脆另一樣我地好鐘意嘅鹹魚椰菜苗，一份68，菜苗嫩綠無渣，食落都好香，又唔會有苦澀味。鹹魚蓉感覺唔係好濃，變相冇咁鹹啦，油份唔重。泰式酸辣鳳爪份量都唔少，另外用D泰式沙律墊底，酸酸辣辣勁開胃泰式明爐花甲鍋，一份108，以前多數點明爐烏頭，今次轉一轉口味。見有花甲又想試，都冇失望喎！鍋上嘅明爐，與其叫花甲，其實直頭係大蜆，都有10隻，隻隻有肉，配酸辣湯底，入面有肉碎，菇菌，仲有粉絲墊底！味道酸辣，又唔會太過剌激，好正！粉絲份量都唔少，索哂D湯汁，又飽肚！我覺得好過炒花甲~最有驚喜就係去骨海南雞配油份，點左半隻share食，98蚊都抵食。一上枱已經見到海南雞色澤光亮，睇都睇得出新鮮而且雞肉相當嫩滑
餐牌都係一貫泰國菜，沙律、小食、咖喱、海鮮、肉類、串燒，仲有D其他東南亞菜蹤影，例如越式生牛河、海南雞飯等等。
店員(老闆？)送嘅蝦片，好香脆！
今日點左月亮蝦餅，一份88，唔似其他蝦餅，唔係呈圓形或者球狀。類似薄撐形式，煎炸後切成八件。蝦餅有明顯蝦味，食落香脆
另一樣我地好鐘意嘅鹹魚椰菜苗，一份68，菜苗嫩綠無渣，食落都好香，又唔會有苦澀味。鹹魚蓉感覺唔係好濃，變相冇咁鹹啦，油份唔重。
泰式酸辣鳳爪份量都唔少，另外用D泰式沙律墊底，酸酸辣辣勁開胃
泰式明爐花甲鍋，一份108，以前多數點明爐烏頭，今次轉一轉口味。見有花甲又想試，都冇失望喎！
鍋上嘅明爐，與其叫花甲，其實直頭係大蜆，都有10隻，隻隻有肉，配酸辣湯底，入面有肉碎，菇菌，仲有粉絲墊底！
味道酸辣，又唔會太過剌激，好正！粉絲份量都唔少，索哂D湯汁，又飽肚！我覺得好過炒花甲~
最有驚喜就係去骨海南雞配油份，點左半隻share食，98蚊都抵食。一上枱已經見到海南雞色澤光亮，睇都睇得出新鮮而且雞肉相當嫩滑，脾位唔洗講，滑不得止，仲有雞肉香味，而且雞皮仲係爽脆，都唔知幾耐冇食過嘅滑嘅海南雞啦
油飯油香四溢，飯粒分明，又唔會太硬，我地都好鐘意，值得一試！
埋單四百多元，價錢合理，兼覺得幾抵食，如果平日晚上7點半前離座，有8折，同埋平日冇加一，抵啊！卡位仲有usb位！
張貼
