泰Grill (享和街)

今日入荃灣，去”泰Grill”食晚飯，原來性價比好高。印象中之前只有將軍澳和中環有分店，現在荃灣都有，喺荃新天地行過去都好近。我哋叫咗生蝦刺身、虎蝦冬陰功、原條泰式菠蘿炒飯、泰式檸檬冰綠茶。呢度係用QR code落單，每一個item都有圖，好方便。而更方便嘅係佢每個item都有足夠嘅選項，例如今晚同行人士有人唔食蔥、芫荽、芽菜，都可以照走不誤。而冬陰功亦都可以叫小辣，幾貼心。生蝦刺身，好厚肉，點埋個汁好惹味，一定好過買現成返屋企嗰啲。唔好睇個冬陰功好似好清咁，梗係因為同行人士走晒所有嘢🤣。其實佢入邊啲蝦都好大隻好厚肉。冬陰功嘅味道酸甜辣兼備，食到少少椰子味。佢仲有個火喺下面煲住。原條菠蘿炒飯，炒得好入味，最重要係一啲都唔油，個飯好乾身，菠蘿就超甜！泰式檸檬冰綠茶，個樣好濃飲落好解渴，重點係好大杯，唔驚唔夠飲。就咁食完都幾飽，原來二人只係三百幾落樓，唔怪得之後周圍都滿座，好多人Walk-in都冇位 (我哋五點幾就入座所以仲有位)。