影片
更多
2019-03-05
339 瀏覽
M佬今日話帶我去酒樓試菜，唔通係我哋結婚晚宴嘅菜色？（瞓醒未？連婚都未求）原來嚟緊就係M媽生日，佢想帶佢去酒樓食餐飯，所以今日就嚟到北角嘅彩福喜宴，呢到嘅晚市小菜選擇好多，價錢仲要一啲都唔貴，夠晒經濟實惠。沙薑雞腳抵讚位係將雞腳切開為二，睇得出餐廳嘅細心，令到我哋食得夠晒方便。而雞腳漲卜卜，夠晒入口，都幾爽口架！脆皮旺金南乳雞（半隻）食雞又點可以唔食雞皮呢？呢塊皮炸得好脆口，而雞肉仲要好滑嫩，記住點埋個南乳汁，真係好惹味，半隻嘅份量都唔少。粟子淮山雞煲呢個雞煲嘅重點不在於雞，係個粟子夠晒腍，仲索晒啲雞味；而淮山一樣入晒昧，好正呀！客家風味炆豬肉上枱仲熱到支支聲，而豬肉一層肥一層瘦，食落唔會油淋淋，而且炆到入晒味，送飯一流！
沙薑雞腳
抵讚位係將雞腳切開為二，睇得出餐廳嘅細心，令到我哋食得夠晒方便。而雞腳漲卜卜，夠晒入口，都幾爽口架！
脆皮旺金南乳雞（半隻）
食雞又點可以唔食雞皮呢？呢塊皮炸得好脆口，而雞肉仲要好滑嫩，記住點埋個南乳汁，真係好惹味，半隻嘅份量都唔少。
粟子淮山雞煲
呢個雞煲嘅重點不在於雞，係個粟子夠晒腍，仲索晒啲雞味；而淮山一樣入晒昧，好正呀！
客家風味炆豬肉
上枱仲熱到支支聲，而豬肉一層肥一層瘦，食落唔會油淋淋，而且炆到入晒味，送飯一流！
張貼
