影片
更多
2023-06-14
334 瀏覽
《燒肉酒場 - 銅鑼灣》休息左一排🤭，又係食燒肉嘅時候啦🤫今次去呢一間位於銅鑼灣永光中心嘅小店，之前都見過好多人介紹，主打日式成吉思汗燒肉，其實我唔係太清楚即係咩😂總之朋友介紹話好食就冇問題啦🥸今次我哋兩個人都唔想點咗太多嘢食，不過其實燒下食下傾下計，放慢速度咁食係夠曬飽的👍🏻店員幫我哋開咗個爐之後就提供左一啲蔬菜俾我哋燒住先，仲有一個我好鍾意食嘅椰菜沙律，食燒肉再配椰菜沙律呢一個食法好日式但我又好like 😌食燒肉又點可以無酒呢，我哋兩個分別叫咗一杯雜果燒酌同埋西柚燒酌，酒精濃度唔算太高，適合女仔飲用😋💁🏻♀️椰菜絲沙律&圍爐蔬菜 $25我都話呢一個椰菜沙律好正㗎喇，對比起個圍爐蔬菜，我就覺得個椰菜沙律更加可以解油膩，上面落咗少少七味粉辣辣地咁幾開胃🤤我一般會用肉包住少少椰菜再一齊食👍🏻大家可以試吓💁🏻♀️橫膈肌 $128牛肉橫膈肌食落肉質結實，咬落重肉味，預先經過醃製後個肉汁都幾出，微微帶甜味💁🏻♀️野菜盛 $68兩個女仔其實唔算食到好多嘢，但係蔬菜點都要有的，呢個蔬菜盛乜都有啲咁我哋就唔使左諗右諗要叫啲咩蔬菜，有茄子、翠玉瓜、雞髀菇、南瓜等既組合，都算係幾豐富💁🏻♀️山形縣產煙燻
休息左一排🤭，又係食燒肉嘅時候啦🤫今次去呢一間位於銅鑼灣永光中心嘅小店，之前都見過好多人介紹，主打日式成吉思汗燒肉，其實我唔係太清楚即係咩😂總之朋友介紹話好食就冇問題啦🥸今次我哋兩個人都唔想點咗太多嘢食，不過其實燒下食下傾下計，放慢速度咁食係夠曬飽的👍🏻店員幫我哋開咗個爐之後就提供左一啲蔬菜俾我哋燒住先，仲有一個我好鍾意食嘅椰菜沙律，食燒肉再配椰菜沙律呢一個食法好日式但我又好like 😌食燒肉又點可以無酒呢，我哋兩個分別叫咗一杯雜果燒酌同埋西柚燒酌，酒精濃度唔算太高，適合女仔飲用😋
💁🏻♀️椰菜絲沙律&圍爐蔬菜 $25
我都話呢一個椰菜沙律好正㗎喇，對比起個圍爐蔬菜，我就覺得個椰菜沙律更加可以解油膩，上面落咗少少七味粉辣辣地咁幾開胃🤤我一般會用肉包住少少椰菜再一齊食👍🏻大家可以試吓
💁🏻♀️橫膈肌 $128
牛肉橫膈肌食落肉質結實，咬落重肉味，預先經過醃製後個肉汁都幾出，微微帶甜味
💁🏻♀️野菜盛 $68
兩個女仔其實唔算食到好多嘢，但係蔬菜點都要有的，呢個蔬菜盛乜都有啲咁我哋就唔使左諗右諗要叫啲咩蔬菜，有茄子、翠玉瓜、雞髀菇、南瓜等既組合，都算係幾豐富
💁🏻♀️山形縣產煙燻豬腩 $108
豬腩肉燒過之後油花滿滿👍🏻咬落個質地有少少似煙燻鴨胸，但係個豬肉味都幾濃郁同埋好軟熟，唔會太過肥膩，夾買啲蔬菜一齊食就最好啦
💁🏻♀️香葱薄燒牛舌 $128
牛舌話就話係薄切，但係咬落其實幾有質感，入口彈牙而且重牛肉味，配埋香蔥一齊食好濃味👍🏻點少少燒肉醬已經好好食啦💁🏻♀️甲羅燒配餅乾 $128
朋友第一次食甲羅燒，覺得好新奇之餘仲大讚佢好鮮味，燒嘅時候要好小心，因為個殼傳熱勁快，啲蟹膏整熱左之後超香，食落甘甜👍🏻好快就比我地清曬
💁🏻♀️日本和牛西冷(120g) $398
當日既MVP一定非佢莫屬😍和牛西冷就咁睇都知佢油花十足🥰每邊燒十零秒就已足夠，入口即溶既感覺令人想一啖接一啖咁食😙兩個人share 120g其實絕對足夠，因為始終係和牛，食太多會滯呀😝又係椰菜沙律出嚟嘅時候啦
整體嚟講，呢間餐廳都算係我十分推介嘅一間燒肉餐廳，首先坐得舒服，就算旁邊有其他人一齊燒烤，你都唔會覺得好侷促好逼夾，同埋個抽氣做得好係好緊要㗎，我哋燒咗成晚肉都唔覺得煙霧離漫，店員間唔中都會過嚟幫吓我哋，睇吓我地有冇咩需要，值得一讚👍🏻而嘢食方面，由於全部都係自助式自己燒肉，所以食材本身嘅質量都好緊要下，個人覺得餐廳提供嘅食材係幾新鮮同埋肉本身都幾靚，以呢一個價錢嚟講絕對超值😌係我會再encore嘅一間燒肉餐廳
💁🏻♀️銅鑼灣登龍街28號永光中心10樓
張貼
