御品·千之味 (振萬廣場)

營業中

休息中

210分鐘放題真係好吸引，同朋友可以慢慢食慢慢傾，唔洗食到趕頭趕命咁，塞飽個肚就算。知道千之味有210分鐘放題，就搵埋朋友一齊嚟，原來只係得觀塘分店先有。除咗啲主食，甜品、飲品、沙律同埋小食都係自助形式咁去雪櫃自己拎。不過，餐單包埋每人一杯movenpick 雪糕，呢個雪糕記得係手機點餐點埋，唔好漏咗唔記得食呀！餐廳提供任食刺身、壽司、卷物、爐端燒、飯類、沙律、小食、炸物等。鍾意食海膽、藍鰭吞拿魚或者鵝肝既人，建議升級埋，鵝肝真係好食，我哋點完一次又一次，一次又一次，只係加$198其實真係好抵食，而且仲可以食埋海膽同埋藍鰭吞拿魚系列。另外，加$18蚊就可以任飲生啤清酒。話埋比大家知⭐️收費成人$328-$388，小童$188，加$198可升級至任食海膽、藍鰭吞拿魚系列、鵝肝。任飲生啤清酒+$18/位，需全檯一併升級。⭐️網上訂座，出示當日任何交通收據，每位平$20。⭐️星期一至五 5:00pm 及 星期六日 11:00am 後「泊車優惠」：只需消費滿$300即可有2小時免費泊車優惠。觀塘店更設有電動車中叉 $20/hr，可以邊食邊叉電。